உலகநாயகனின் மதுரை சாதனைகள்

உள்ளூர் முதல் உலகநாடுகள் வரை...
பல மொழிகளில்...
பல சாதனைகள் புரிந்த உலகநாயகன்
மதுரையை மட்டும் விட்டு வைப்பாரா?

மதுரையில் மட்டும் உலகநாயகனின் 39 படங்கள் (இன்னும் சில படங்களுக்கு தகவல்கள் இல்லை) 100 நாட்களுக்கு மேல் ஓடியிருக்கிறது. வேறு எந்த நடிகரும் இந்தச் சாதனையை நினைத்து கூட பார்க்க முடியாது.
மதுரையில் உலகநாயகனின் 11 படங்கள் 150 நாட்களுக்கு மேல் ஓடியிருக்கிறது.

மதுரையில் உலகநாயகனின் 8 படங்கள் 175 நாட்களுக்கு மேல் ஓடியிருக்கிறது.

மதுரையில் உலகநாயகனின் 4 படங்கள் 200 நாட்களுக்கு மேல் ஓடியிருக்கிறது.

திரைப்படம்	திரையரங்குகள்	நாட்கள்
களத்தூர் கண்ணம்மா (1960)	சிந்தாமணி	75+ நாட்கள்
மன்மத லீலை (1976)	சினிப்ரியா	100 நாட்கள்
16 வயதினிலே (1977)	மினிப்ரியா	266 நாட்கள்
இளமை ஊஞ்சலாடுகிறது (1978)	சினிப்ரியா	100 நாட்கள்
சட்டம் என் கையில் (1978)	சென்ட்ரல்	100 நாட்கள்
சிகப்பு ரோஜாக்கள் (1978)	சக்தி	183 நாட்கள்
கல்யாண ராமன் (1979)	கல்பனா	107 நாட்கள்
குரு (1980)	குரு	113 நாட்கள்
Ek Duje Ke Liye(1981)	அபிராமி	100 நாட்கள்
சவால் (1981)	நியூசினிமா	100 நாட்கள்
டிக் டிக் டிக் (1981)	சுகப்ரியா	126 நாட்கள் (இத்திரையரங்கின் முதல் 100 நாட்கள் படம்)
வாழ்வே மாயம் (1982)	நியூசினிமா	175+ நாட்கள்
மூன்றாம் பிறை (1982)	சிந்தாமணி	100 நாட்கள்
சிம்லா ஸ்பெஷல் (1982)	சுகப்ரியா	105 நாட்கள்
சகலகலா வல்லவன் (1982)	சென்ட்ரல்	202 நாட்கள்
சட்டம் (1983)	சினிப்ரியா	112 நாட்கள்
சலங்கை ஒலி (1983) - டப்பிங்	மது	100 நாட்கள்
தூங்காதே தம்பி தூங்காதே (1983)	சுகப்ரியா	263 நாட்கள்
ஒரு கைதியின் டைரி (1984)	மினிப்ரியா	100+ நாட்கள்
காக்கி சட்டை (1985)	சென்ட்ரல்	154 நாட்கள்
சிப்பிக்குள் முத்து (1986) - டப்பிங்	நடனா காம்ப்ளக்ஸ்	106 நாட்கள்
விக்ரம்(1986)	நடனா காம்ப்ளக்ஸ்	105 நாட்கள்
புன்னகை மன்னன் (1986)	அபிராமி	150 நாட்கள்
நாயகன் (1987)	மினிப்ரியா	225 நாட்கள்
சத்யா (1988)	அமிர்தம்	102 நாட்கள்
உன்னால் முடியும் தம்பி (1988)	நடனா காம்ப்ளக்ஸ்	105 நாட்கள்
அபூர்வ சகோதரர்கள் (1989)	அபிராமி	175 நாட்கள்
	சோலமலை	105 நாட்கள்
வெற்றிவிழா (1989)	சுந்தரம்	125 நாட்கள்
மைக்கேல் மதன் காமராஜன் (1990)	அபிராமி காம்ப்ளக்ஸ்	100 நாட்கள்
குணா (1991)	அபிராமி	100 நாட்கள்
	மதி	70 நாட்கள்
தேவர் மகன் (1992)	மீனாட்சி காம்ப்ளக்ஸ்	180 நாட்கள்
	சுகப்ரியா	116 நாட்கள்
	மினிப்ரியா	80 நாட்கள்
மகாநதி (1994)	நடனா காம்ப்ளக்ஸ்	100 நாட்கள்
சதிலீலாவதி (1995)	ஹாஜீரா	103 நாட்கள்
குருதிப்புனல் (1995)	அம்பிகா	100 நாட்கள்
	மதி	75+ நாட்கள்
இந்தியன் (1996)	மதி	155 நாட்கள்
	சுந்தரம்	135 நாட்கள்
அவ்வைசண்முகி (1996)	அண்ணாமலை (கல்பனா)	140 நாட்கள்
	அம்பிகா	100 நாட்கள்
தெனாலி (2000)	அண்ணாமலை (கல்பனா)	100+ நாட்கள்
	அம்பிகா	100+ நாட்கள்
	மதி	100+ நாட்கள்
தசாவதாரம் (2008)	சக்தி	100+ நாட்கள்
	நடனா காம்ப்ளக்ஸ்	75+ நாட்கள்
	ஜெயம்	75+ நாட்கள்
	தமிழ் ஜெயா	75+ நாட்கள்

 

டயலாக் தான் ரஜினி.... ACTION கமல் தான்!!!

ரஜினி பேசுவது வெறும் டயலாக் தான் ஆக்சன் இருக்காது.... கமல் எப்பவுமே ஆக்சன் தான் டயலாக் விட மாட்டார் என்பதை இந்த கட்டுரையை படிப்பவர்கள் அனைவரும் முடிவில் ஏற்றுக் கொள்வீர்கள்.

                                                                                                               நன்றி : தினமணி

பாட்ஷா படத்தில் ஒரு தடவை சொன்னால் நூறு தடவை சொன்னா மாதிரி என்று டயலாக் விடுவார். அந்த டயலாக்கின் அர்த்தம், ஒரு விஷயத்தை பற்றி ஒரு தடவை சொல்ற கருத்தை தான் எப்பவும் சொல்வேன் என்று அர்த்தம், அடுத்த நாள் மாற்றி சொல்வேன் என்று அர்த்தம் அல்ல.1996-ல் ஜெ. ஆட்சிக்கு வந்தால் தமிழ்நாட்டை கடவுளால் கூட காப்பற்ற முடியாது என்றார், பின் அடுத்த ஜெ. ஆட்சியில் அவரையே தைரிய லட்சுமி என்றார், இன்று மேடையிலேயே புரட்சி தலைவி, அம்மா என்று கட்சிகாரர்களை போல பம்முகிறார்.

ஒக்கேனக்கல் பிரச்சினையில் முதலில் "அடிப்பேன் உதேப்பேன்" என்று சீன் போட்டார், பின்பு குசேலனை பெங்களூரில் ரிலீஸ் செய்ய, நான் அப்படி சொல்லவில்லை என்று மன்னிப்பு வேற கேட்டார்.

மாறாக, கமல் 80 களிலேயே எம்ஜியாரால் அரசியலுக்கு அழைக்கப்பட்டார். அன்று அவரிடம் "அரசியலுக்கு வர விருப்பமில்லை" என்று தன் கருத்தை தெரிவித்தது மட்டுமல்லாமல், இன்றும் அதே கருத்தில் நிலையாய் இருக்கிறார். 

"சிவாஜி" என்ற படத்தில் சிங்கம் சிங்கிளா தான் வரும், பன்னிங்க தான் கூட்டமா வரும் என்று, ரஜினி இப்படத்திற்கு முன் வெளிவந்த அர்ஜூனின் பட டயலாக்கை பேசியிருப்பார்.

ரஜினியின் படங்கள் அந்தந்த கால பாப்புலர் ஹீரோயின், டைரக்டர், மியூசிக் டைரக்டர், காமெடியன்கள் இல்லாமல் வெளிவந்தது கிடையாது. இதுக்கு பேர் தான் சிங்கிளா வருவதா? அப்படியே பாப்புலர்கள் கூட்டமாக வந்தாலும் தியேட்டர்காரர்களும் விநியோகிஸ்தர்களும் ரஜினி படத்தில் போட்ட பணத்தில் பாதியை கூட திரும்ப எடுப்பதில்லை.

கமல் படங்களிலோ பாப்புலர் காமெடியன்கள் அல்லது பாப்புலர் ஹீரோயின் அல்லது பாப்புலர் டைரக்டர் அல்லது பாப்புலர் மியூசிக் டைரக்டர் என்று யாரேனும் ஒருவரை வேண்டுமானால் பார்க்கலாம். ஆனால் அத்தனை பாப்புலர்களையும் ஒட்டு மொத்தமாக பார்ப்பது அரிதிலும் அரிது.

தசாவதாரத்தில் பத்து வேடங்களில் நடித்தது மட்டுமல்லாமல், கதை, திரைக்கதை, வசனம் எழுதி, தென்னிந்தியா அறியாத ஹிம்மேஷை இசையமைப்பாளராக்கி, பாப்புலர் காமெடியன்கள் இல்லாமல், தொழில்நுட்ப அறிவு கமல் அளவில் 1% கூட இல்லாதவரை இயக்க வைத்து, அப்படத்தை தென்னிந்தியாவின் உச்ச வெற்றியாக இன்றும் இருக்க வைத்த கமல்ஹாசனை "ONE MAN ARMY" என்று கூறுவது கூட குறைந்த பட்ச பாராட்டு தான்... விஸ்வரூபத்தில் இன்னும் பல படிகள் மேலே சென்று, தானே இயக்குனராகவும், தயாரிப்பாளராகவும் மாறி, தான் மட்டுமே உலக சினிமாவின் ஒன் மேன் ஆர்மி என்று நிரூபித்து விட்டார்.

படையப்பா படத்தில் என் வழி தன் வழி என்று கூறுவார் ரஜினி. தன்னுடைய சொந்த பள்ளியிலே ஒரு ஏழை மாணவனுக்காவது இலவச கல்வி கொடுத்திருக்கிறாரா? அவரின் ரசிகர்களுக்கு தன் மகள் கல்யாணத்திற்கு பிரியாணி பொடுவேன் என்று சொல்லி 3 வருடங்களுக்கு மேல் ஆகிவிட்டது (இவரே பிரியாணி அரிசியை உருவாக்குகிறார் போல). இது தான் அவருடைய தனி வழி போல?

கமல் தனக்கு எத்தனை இடர்கள் வந்தாலும் நேர்மையான வழியில் தான் எதிர்கொள்வார். கருப்பு பணம் சேர்க்க மாட்டார். விழிப்புணர்வு விளம்பரங்களில் மட்டும் நடிப்பார் அதுவும் சம்பளம் பெறாமல். அண்மையில் கூட 2014 பாரளுமன்ற தேர்தல் விழிப்புணர்வு விளம்பரத்தில் இலவசமாக நடித்துள்ளார். அப்படின்னா கமல் வழி தானே தனி வழி!

ரஜினி பேசுவது வெறும் டயலாக் தான் ஆக்சன் சுத்தமா இருக்காது.... கமல் எப்பவுமே ஆக்சன் தான் டயலாக் விட மாட்டார் என்பது புரிந்திருக்குமே...

சின்னத்திரை - கமல் vs ரஜினி

தூர்தர்ஷன் மட்டும் தான் டிவி என்று இருந்த காலகட்டத்தை, லோக்கல் கேபிள் டிவிக்களும் சேட்டிலைட் டிவிக்களும் உடைத்து முன்னே சென்று கொண்டிருந்த 90 களில் தான் தமிழ் சினிமாவும் தேக்கம் காண ஆரம்பித்தது. தியேட்டருக்கு மக்கள் வருவது குறைந்து போனது. திருட்டு வீடியோ கேசட், கேபிள் டிவியில் உரிமை பெறாமல் புதிய படங்களை ஒளிபரப்புவதும் நியாமான காரணங்களாயிருந்ததால், தமிழக அரசு கடுமையான சட்டங்களினால் அவற்றை தடுத்தது.

அப்படியும் பல படங்கள் மண்ணை கவ்விக் கொண்டு தான் இருந்தன. நடிகர் சங்கம் தன் அறிவுக் கண்ணை திறந்து ஒன்றை கண்டுபிடித்தது, அது என்னவென்றால், நடிகர் நடிகைகள் சேட்டிலைட் சேனல்களுக்கு பேட்டி கொடுப்பதால் தான் படங்கள் ஓடவில்லை என்று. அதுமட்டுமல்லாமல் பேட்டிகளுக்கு தடையும் விதித்தது.

புதிய தொழில்நுட்பங்களின் நண்பன் கமல்ஹாசன், அந்த தடையை வன்மையாக கண்டித்ததும் மட்டுமல்லாமல், தடையை மீறி சேனல்களுக்கு பேட்டியும் கொடுத்தார். ஆனால் ரஜினியோ ஓடிப் போய் ஒளிந்து கொண்டார், உழைப்பாளி படத்தின் போது ஓவராய் பேசி விநியோகிஸ்தர்களிடம் மாட்டிக் கொண்டது போல் நடிகர் சங்கத்திடம் மாட்டிக் கொள்ளாமல் இருக்க. கமல் மட்டும் தான் தவறுகளை நிஜத்தில் கண்டிப்பவரும் எதிர்த்து போராடுபவரும் கூட.

பின் சின்னத்திரையை சினிமாவிற்கு எப்படி பயன்படுத்துவது என்று வழியும் காட்டினார். இப்போது திரைப்படத்தின் உரிமையை விநியோகிஸ்தர்கள் வாங்கும் முன் சேட்டிலைட் சேனல்கள் ஒளிபரப்பும் உரிமையை வாங்கி விடுகின்றன. தயாரிப்பாளர்களும் இதில் ஒரு கனிசமான தொகையை அள்ளி விடுகிறார்கள்.

தமிழில் கமல்ஹாசனின் "தசாவதாரம்" தான் இன்று வரை அதிக விலைக்கு (5 கோடியே 10 லட்சம்) சேட்டிலைட் சேனலால் வாங்கப்பட்ட படம். எந்திரன் படத்தை தயாரித்த சன் டிவியே அந்த படத்தை 15 கோடிக்கு வாங்கினாலும், ஏன் கணக்கில் கொள்ள முடியாது என்றால், உதாரணத்திற்கு நீங்கள் இரண்டு கம்பெனிகள் வைத்திருக்கிறீர்கள், உங்களுடைய ஒரு கம்பெனியில் தயாரித்த பொருளை, உங்களுடைய இன்னொரு கம்பெனியின் மூலம் வாங்குகிறீர்கள் என்றால், அது உங்களுக்கு லாபமா? இரட்டை செலவு தான் அது.... தயாரிப்பு செலவு மற்றும் அதை நீங்களே வாங்கிய செலவு.

கலைஞர் டிவி தசாவதாரத்தை முதலில் ஒளிபரப்பிய போது படம் 6 மணிக்கு தொடங்கப்பட்டு இரவு 11.10 மணிக்கு முடிவடைந்தது, 30 நிமிட செய்திகள் மற்றும் படத்தின் நீளமான 190 நிமிடங்களை கழித்தால், விளம்பரங்கள் மட்டும் ஏறக்குறைய 90 நிமிடங்கள் ஒளிபரப்ப பட்டுள்ளன.

10 நொடிகளுக்கு 2 லட்சம் என்றால், 90 நிமிடங்களுக்கு 10 கோடியே 80 லட்சம் சம்பாதித்துள்ளது. முதல் தடவை ஒளிபரப்பியதிலே இரண்டு மடங்கு லாபம் கொடுத்துள்ளது கமலின் தசாவதாரம். கலைஞர் டிவி இது வரை தசாவதாரத்தை 7 முறைகளுக்கு மேல் ஒளிபரப்பியுள்ளது.

2012 ஆயுதபூஜைக்கும் தசாவதாரம் ஒளிபரப்பப் பட்டது, 8 மெயின் ஸ்பான்சர்களுடன் ( Jos Alukkas, Gold Winner, Preethi, Coramental Cement, Dress Parade, Bharathi Cement, Cardia Olive Oil and Ramraj ). 25 நிமிடம் படத்துடன் ஒவ்வொரு ப்ரேக்கிலும் சராசரியாக 14+ விளம்பரங்களும் போடப்பட்டன, மாலை 4.30 மணிக்கு ஆரம்பமாகி 30 நிமிட செய்திகளுடன், கிட்டத்தட்ட 9 மணிக்கு முடிந்தது.

அள்ளி தருவதில் தசாவதாரம், கலைஞர் டிவிக்கு அட்சயப் பாத்திரம் என்றால் மிகையாகாது.

யோசித்து பார்த்தீர்கள் என்றால், சின்னத்திரையில் கூட ரஜினி படம் சாதாரண நாட்களில் ஒளிபரப்ப மாட்டார்கள், பண்டிகை தினத்தில் மட்டும் தான், அதுவும் பல மாத கால இடைவெளியில் ( எப்படி ரஜினி 3 வருடத்திற்கு ஒரு முறை நடிப்பது போல) தான் ஒளிபரப்புவார்கள். ஏனென்றால் பண்டிகை தினத்தில் ஒளிபரப்பினால் தான் பார்வையாளர்கள் வேறுவழியின்றி ரஜினி படத்தை பார்த்து தொலைப்பார்கள், இதிலும் எவ்வளவு பெரிய மோசடி?

ஆனால் கமலின் படங்களோ (குறிப்பாக நாயகன், வசூல்ராஜா MBBS, பஞ்ச தந்திரம், அன்பே சிவம், குணா, ஆளவந்தான், தேவர் மகன், தெனாலி, அபூர்வ சகோதரர்கள், விருமாண்டி, வேட்டையாடு விளையாடு, தசாவதாரம் ), சின்னத்திரைகளில் சாதாரண நாட்களில் கூட அதிகமான் ஸ்பான்சர்களுடன் அடிக்கடி ஒளிபரப்ப படுகிறது. எத்தனை தடவை போட்டாலும் அத்தனை தடவையும் கமல் படங்களை பார்வையாளர்கள் பார்ப்பதால் தான் டிவிக்களும் ஒளிபரப்புகிறார்கள், ஸ்பான்சர்களும் குவிகிறார்கள்.

ரஜினியின் படங்களை பெரிய திரையில் தான் ரீ-ரிலீஸ் செய்யப் விநியோகிஸ்தர்கள் தயாரில்லை என்றால், சின்னத்திரையில் கூட அடிக்கடி ஒளிபரப்ப ஸ்பான்சர்கள் கிடைப்பதில்லை என்பதே கசப்பான உண்மை..

"உயர்ந்த" நாயகன் Vs "தாழ்ந்த" மனிதன்

கமல்ஹாசன் "ஹிந்து"-வில் "நாயகன்" பற்றிய உண்மையை வெளியிட்ட கட்டுரையையும், பதிலளிக்கிறேன் என்று முக்தா வெளியிட்ட வயிற்றெரிச்சலையும் பற்றி பதிவு போட்டு, கிடைத்த "கேப்"-பில் மனிதன் என்ற படத்தை எல்லாரும் 24 வருடத்திற்கு முன்பே மறந்து விட்ட நிலையில், அப்படத்தை "வெற்றி" என்று டெங்குவை விட கொடிய கருத்தை பரப்பும் பதிவருக்கும், அதை நம்புவர்களுக்கும் மற்றும் முக்தாவுக்குமான பதில் இது.

முக்தா கூறியது போல் கதையை மாற்றி விட்டார்கள் என்றால் படத்தை ஆரம்ப கட்டத்திலேயே "ட்ராப்" செய்திருக்க வேண்டியது தானே அவர் ?

சென்சார் போர்டு சர்டிபிகேட் கொடுக்க பிரச்சினை செய்த போது கமல் தனக்கு உதவவில்லை என்றும் கூறியிருக்கிறார். தயாரிப்பாளர் என்பவர் லாபம் சம்பாதிக்க மட்டும் தானா? கமலே தன் கட்டுரையில் ஒரு கட்டத்தில் தானே சோர்ந்து விட்டதாக கூறியிருக்கிறார், இந்த வேலையையாவது அவர் செய்யட்டும் என்று தான் விட்டிருப்பார்.

படத்தை எடுத்தவுடன் "GV" க்கு விற்றும் விட்டார் (நெகட்டிவ் உரிமை உட்பட). அந்த நேரத்தில் வந்த வரைக்கும் லாபம் என்று தானே விற்றிருக்கிறார். நாயகன் மிகப் பெரிய வெற்றியடையும் என்று புரியாமல் தானே விற்றார். அதை தானே கமலும் "OLD SCHOOL" என்று சொன்னார்.

நாயகனை காட்பாதருடன் ஒப்பிட்டு தமிழ் கலைஞர்களின் ஒப்பற்ற படைப்பை சிறுமை படுத்த முயற்சிக்கும் கூட்டத்திற்கு "விஸ்பரூப" பதிலடியை ஏற்கனவே உலக சினிமா ரசிகன் கொடுத்துவிட்டார், அதை படிக்க இங்கே க்ளிக் செய்க.

அடுத்து கிடைத்த கேப்பில் ஒரு பதிவர் நாயகனை விட மனிதன் வெற்றிபடம் என்றும், முக்தா தயாரித்து ரஜினி நடித்த தோல்வி படங்களான பொல்லாதவனும் சிவப்பு சூரியனும் ஓரளவுக்கு வெற்றிபடங்கள் என்று புளுகி ரஜினி ரசிகன் என்பதை நிருபித்து விட்டார்.

ரஜினிக்கு ரெகுலர் காட்சிகளில் ஒரு வெள்ளிவிழா படம் கூட கிடையாது, சில படங்கள் பகல்காட்சியில் ஓடினாலும் பல படங்கள் பகல்காட்சியில் தியேட்டரில் வாடகை கொடுத்து தேய்க்கப்பட்டவை. உண்மையில் மனிதன் ஓடியிருந்தால் எத்தனை தியேட்டரில் ரெகுலர் காட்சிகளில் 100 நாட்கள் ஓடியுள்ளது?

நாயகன் மொத்தமாக 11 தியேட்டர்களில் 100 நாட்களுக்கு மேல்  ஓடியுள்ளது,
சென்னையில் திரையிட்ட 4 தியேட்டரிலும் ரெகுலர் காட்சிகளில் 100 நாட்களுக்கு மேலும்,  ஆனந்த காம்ளக்ஸில் ரெகுலர் காட்சிகளில் 175 நாட்களுக்கு மேலும் ஓடியுள்ளது.

நாயகன் பெங்களூர் பல்லவியில் 3 காட்சிகளாக 50 நாட்களும், பகல் காட்சியில் 225 நாட்களுக்கு மேல் ஓடியுள்ளது.

பல தடைகளை தாண்டி புதிய பாணியில் எடுக்கப்பட்ட நாயகன் பாக்ஸ் ஆபிஸிலும் மனிதனை துரத்தி துரத்தி அடித்து வீழ்த்தியதற்கு இதற்கு மேல் சான்றுகள் தேவையில்லை.

கமல்ஹாசனே தொடக்கம்

7-நவம்பர் 2012 இன்று பிறந்த நாள் காணும் அரசியலில் ஈடுபடாத அரசன், ஆழ்வார்பேட்டை ஆண்டவர், பரமக்குடி பரமாத்மா எங்கள் கமல்ஹாசருக்கு பிறந்த நாள் வாழ்த்துக்கள்.

அமெரிக்காவில் 13 தியேட்டரில் திரையிடப்பட்ட முதல் தென்னிந்திய திரைப்படம் "நாயகன்".

சென்னையில் அதிக திரையரங்கங்களில் வெளியான முதல் திரைப்படம், கமல்ஹாசனின் "வேட்டையாடு விளையாடு" - 16 தியேட்டர்கள்.

சென்னை மாயாஜாலில் முதல் முறையாக "வேட்டையாடு விளையாடு" தான் தினமும் 15 காட்சிகள் திரையிடப்பட்டது. அதிகபட்சமாக உலகநாயகனின் "தசாவதாரம்" (2008) தான் தினமும் 52 காட்சிகள் (10 திரையரங்குகளிலும் ) வரை திரையிடப்பட்டது.

திரையுலகில் முதலில் கண் தானம் செய்தவர் கமல்ஹாசன்.

திரையுலகில் முதலில் உடல் தானம் (2002) செய்தவர் நற்பணி நாயகன் கமல்ஹாசன்.

தமிழ்நாட்டில் முதலில் 100 நாள் ஓடிய மலையாளப் படம், கமல்ஹாசனின் ராசலீலா. சென்னை எலிபென்ஸ்டனில் 112 நாட்கள் ஓடியது.

தமிழ்நாட்டில் முதலில் 175 நாள் ஓடிய கன்னடப் படம், கமல்ஹாசனின் கோகிலா. சென்னை எமரால்டில் 175 நாட்கள் ஓடியது.

தமிழ்நாட்டில் அதிக நாட்கள் ஓடிய தெலுங்குப் படம், கமல்ஹாசனின் மரோசரித்ரா. சென்னை சபையரில் 600 நாட்களும், கோவை ராயலில் 450 நாட்களும் ஓடியது.

தமிழ்நாட்டில் முதலில் 175 நாள் ஓடிய (ரெகுலர் காட்சிகள்) ஹிந்திப் படம், கமல்ஹாசனின் ஏக் துஜே கே லியே. சென்னை அலங்காரில் 175 நாட்கள் ஓடியது.

ஒரே ஆண்டில்(1982) நான்கு முறை 200 நாட்களுக்கு மேல் ஓடியது உலகிலேயே கமல்ஹாசனின் படங்கள் தான்.
சனம் தேரி கசம்
மூன்றாம் பிறை
வாழ்வே மாயம்
சகலகலா வல்லவன்

பெங்களூரில் 5 தியேட்டர்களில் 100 நாட்கள் ஓடிய முதல் தமிழ் படம் கமல்ஹாசனின் அபூர்வ சகோதரர்கள்.
பல்லவி ( 175 நாட்கள் )
நட்ராஜ்( 112 நாட்கள் )
லட்சுமி( 112 நாட்கள் )
கல்பனா( 110 நாட்கள் )
சாந்தி( 105 நாட்கள் )

தென்னிந்தியாவின் முதல் ஒரு கோடி ரூபாய் பட்ஜெட் திரைப்படம், தமிழில் கமல்ஹாசன் நடித்து தயாரித்த "விக்ரம்" (1986) படமே.

1986-ல் தன் ரசிகர்களுக்கு மாநாடு நடத்திய முதல் நடிகர் கமல்ஹாசனே.

1988-லில் முதல் முறையாக தன் ரசிகர் மன்றங்களை கலைத்து அதனை நற்பணி இயக்கங்களாக மாற்றிய முதல் நடிகர் கமல்ஹாசனே.

தமிழ் நாட்டில் 100 நாட்கள் ஓடிய முதல் டப்பிங் படம், கமல்ஹாசனின்  இரு நிலவுகள், அதை தொடர்ந்து சலங்கை ஒலி, சிப்பிக்குள் முத்து, இந்திரன் சந்திரன், பாசவலை என்று தெலுங்கிலிருந்து தமிழில் டப் செய்யப்பட்ட கமலின் அனைத்து படங்களும் 100 நாட்களுக்கு மேல் ஓடியவை.

தமிழில் நாயகன் படத்தில் முதல்முறையாக முடியை ஜெல் மூலம் வழித்து நடித்தார். பின் வந்த படங்களில் அதுவே ஸ்டென்டர்டு ஆனது, ஊரின் தலைவராக ஹீரோ இருந்தால் ( சின்ன கவுண்டர், நாட்டாமை... ).

இந்தியாவில் முதல் முறையாக டால்பி சவுண்டில் எடுக்கப் பட்ட முதல் படம், கமல்ஹாசனின் குருதிப்புனல் (1995).

இந்தியாவில் தொடர்ந்து 1000 காட்சிகளுக்கு மேல் ஹவுஸ்புல்லாக ஓடிய முதல் படம் கமல்ஹாசனின்  "சகலாகலா வல்லவன்".

கமல் பிறந்த தின நற்பணி ( 58 மரக்கன்றுகள் + உணவு )

உலக நாயகனின் 58 வது பிறந்த தினத்தை முன்னிட்டு, அகில இந்திய கமல்ஹாசன் நற்பணி இயக்க பொறுப்பாளர் தங்கவேலு தலைமையில், ORKUT கமல்ஹாசன் நற்பணி இயக்கம் ( பதிவு எண் 10094) சார்பில், குரோம்பேட்டை பால ஆசிரமம், அதன் குழுமத்தில் உள்ள ஆவடி மற்றும் மடிப்பாக்கம் ஆசிரமத்திலும் நவம்பர் 4, ஞாயிறு அன்று ஆசிரம குழந்தைகளுக்கும், முதியவர்களுக்கும் உணவு வழங்கப்பட்டது.

மேலும் உலக நாயகனின் 58 வது பிறந்த தினத்தை முன்னிட்டு, 58 மரக்கன்றுகள் குரோம்பேட்டையில் தங்கவேலு தலைமையில் நடப்பட்டது.

மரக்கன்றுகள் நடப்பட்டதன் காரணம் என்னவென்றால், வெட்டப்படும் மரங்களுக்கு ஈடாக மரங்கள் வளர்க்கப்படுவதில்லை, மரங்கள் குறைவதால் மழை சரியாக பெய்வதில்லை, மழை பெய்வது பாதிக்கபடுவதால் விவசாயம் பாதிக்கப்படுகிறது, கடைசியில் விலைவாசி உயர்ந்து விடுகிறது.  எனவே மரங்கள் வளர்த்தால் மழை பெய்யும், மழை பெய்தால் விவசாயம் சிறக்கும், விவசாயம் சிறப்பாக நடந்தால் விளைச்சல் அதிகரிக்கும் விலைவாசியும் குறையும்.

இந்த விழா சிறப்பாக நடக்க களத்தில் ஆர்வத்துடன் பணிபுரிந்த, தயாளன் (தென் சென்னை பொருளாளர்), தமீம், ராஜ்குமார், ஓம், சேகர், மாமூத் அவர்கள் அனைவருக்கும் எனது நன்றியை இப்பதிவின் மூலம் தெரிவித்துக் கொள்கிறேன்.
 

- சண்டியர் கரன்

கமல் பக்தர்களின் நற்பணி விழா - 2012

உலக நற்பணி தினத்தை ( நவம்பர் 7 ) முன்னிட்டு ORKUT கமல்ஹாசன் நற்பணி இயக்கம் ( பதிவு எண் 10094 ) மற்றும் பாரடைஸ் யூனிட் கமல் பக்தர்கள் இணைந்து நடத்தும் மாபெரும் நற்பணி விழா...

1. 58 மரக்கன்றுகள் நடுதல் ( உலகநாயகனின் 58வது பிறந்த நாளை முன்னிட்டு)


2. மூன்று ஆசிரமங்களில் ஆதரவற்ற குழந்தைகளுக்கு மதிய உணவு

3. இரத்த தானம்    

இடம் : பால ஆசிரமம், 2, இரண்டாவது தெரு, பெரியார் நகர், ஜமீன்ராயபேட், குரோம்பேட், சென்னை - 44 ( பாண்டு மெக்கானிக் கடை அருகில்)

 நாள் : நவம்பர் - 4, ஞாயிறு

 நேரம் : காலை 8.30 மணியிலிருந்து மதியம் 12 வரை

அனைவரையும் வருக..வருக!!! என வரவேற்கிறேன்...

கர்நாடகத்தில் காஸ்ட்லி கமல் கட்-அவுட்

தமிழ் சினிமாவில் பிழைப்பு நடத்தி கொண்டிருக்கும் ஒரு நடிகர், தனது ஒவ்வொரு படமும் ரிலீஸூக்கு தயாராகும் போது அவரது ரசிகர்களை "அரசியல் ஆசை" காட்டி உசுப்பி விடுவார், மும்பையில் படம் ரிலீஸ் ஆக வேண்டுமானால், அந்த மாநில அரசியல்வாதியை தன் கடவுள் என்பார், காவேரி பிரச்சனையில் கர்நாடக அரசியல்வாதிகளை உதைக்க வேண்டும் என்று கூறிவிட்டு, தனது படத்தை ரிலீஸ் செய்ய தடை போட்ட போது, தெலுங்கு டிவி வழியாக மன்னிப்பு கேட்பார், இவரின் உண்மை முகம் தெரிந்தும், இவர் கொடுக்கும் "கவருக்கு" மயங்கி, இவரின் படங்கள் எல்லாம் ஆப்பிரிக்காவின் உகாண்டாவிலும் 175 நாட்கள் ஓடுகிறது என்று புளுகும் பல மீடியாக்கள்...

அப்படிப்பட்ட மீடியாக்களுக்கு, சாதனை கலைஞன் கமல்ஹாசன் செய்யும் சாதனைகளை மறைப்பதே எளிது என்றால், அவரது ரசிகர்கள் செய்யும் புதிய பட ஆரம்ப நாள் கொண்டாட்டத்தை மறைப்பது எவ்வளவு எளிது?

எந்த நடிகருக்கும் கிடைக்காத ரசிகர்கள் கமலுக்கு உண்டு என்பதை கமலின் பெங்களூர் ரசிகர்கள் செய்யும் கொண்டாட்டத்தை பார்த்தால் புரியும். அவர்கள் செய்யும் நற்பணிகளும் பிரம்மாண்டவைகள் தான், அதைப் பற்றி மற்றொரு பதிவில் பின்பு காண்போம்.

அப்படி என்ன தான் பெங்களூர் கமல் ரசிகர்கள் செய்து விட்டார்கள்? 40 அடி கமல் கட் அவுட்டுக்கு தலையிலிருந்து கால் வரை ஒரிஜினல் பூ மாலைகளால் அலங்காரம் செய்வார்கள். இதற்கு 2001-லேயே 2.5 லட்சம் செலவு செய்துள்ளார்கள் "ஆளவந்தான்" கட் அவுட்டுக்கு.

பெங்களூர் கமல் ரசிகர்கள் பூ மாலைகளால் அலங்கரித்த சில கமல் கட் அவுட்கள் கீழே...

ஆளவந்தான்

அன்பே சிவம்

விருமாண்டி

வசூல்ராஜா MBBS

மன்மதன் அம்பு

விஸ்வரூப கமல் கட்-அவுட்டின் பூ மாலைகளுக்கு மட்டும் பெங்களூர் கமல் பக்தர்களின் பட்ஜெட் ரூ 15 லட்சத்தை தாண்டுகிறதாம்.

விஸ்வரூபம் முழுப்பாடல்

துப்பாக்கி எங்கள் தோளிலே
துர்ப்பாக்கியம் தான் வாழ்விலே
எப்போதும் சாவு நேரிலே
இப்போது வெல்வோம் போரிலே

போர்களை நாங்கள்
தேர்ந்தெடுக்கவில்லை
போர்தான் எம்மைத்
தேர்ந்தெடுத்துக்கொண்டது

எங்களின் கையில்
ஆயுதங்கள் இல்லை
ஆயுதத்தின் கையில்
எங்கள் உடல் உள்ளது

ஊரைக்காக்கும் போருக்கு
ஒத்திகை செய்கின்றோம்
சாவே எங்கள் வாழ்வென்று
சத்தியம் செய்கின்றோம்

ஒட்டக முதுகின் மேல்
ஒரு சமவெளி கிடையாது

டாலர் உலகத்தில்
சமதர்மம் கிடையாது

ஓகோ நீதி காணாமல்
ஓகோ போர்கள் ஓயாது

பூமியைத் தாங்க – புஜ
வீரம் கேட்கின்றோம்
புயலை சுவாசிக்க – நுரை
ஈரல் கேட்கிறோம்

எஃகுத் தசைகளால் – ஓர்
இதயம் கேட்கிறோம்
இருநூறாண்டு
இளமை கேட்கிறோம்

துப்பாக்கி எம் தலையணையாய்த்
தூங்கித் திரிகின்றோம்
தோளோடு எம் மரணத்தைத்
தூக்கித் திரிகின்றோம்

ஒட்டக முதுகின் மேல்
ஒரு சமவெளி கிடையாது

டாலர் உலகத்தில்
சமதர்மம் கிடையாது

ஓகோ நீதி காணாமல்
ஓகோ போர்கள் ஓயாது

நன்றி - வைரமுத்து TwitLonger

ரி-ரிலீஸ் சாதனைகள் - கமலும் எம்ஜியாரும்

பழைய படங்களை மறுவெளியீடு (RE-RELEASE)  செய்வது என்பது அன்றைய காலகட்டத்தில் இருந்தே நடந்து வருவது தான். சில நடிகர்களுக்கு ஒன்றிரண்டு படம் ரி-ரிலீஸ் ஆகலாம், அதில் ஒரு படம் கூட (கர்ணன்) ஒரு வாரம் ஓடலாம், ஆனால் மறு வெளியீடுகளில் தொடர்ந்து சாதனை (ஓரிரு வாரங்கள் தாண்டி)  படைத்து கொண்டிருப்பது எம்ஜியார், கமல்ஹாசனின் படங்கள் மட்டும் தான்.

உலகம் சுற்றும் வாலிபன்

அன்பே வா

அடிமைப்பெண்

எங்க வீட்டு பிள்ளை

ஆயிரத்தில் ஒருவன்

வேட்டையாடு விளையாடு

தேவர் மகன்

இந்தியன்

அவ்வை சண்முகி

நாயகன்

காக்கி சட்டை

தூங்காதே தம்பி தூங்காதே

சகலகலா வல்லவன்

          புன்னகை மன்னன்

சலங்கை ஒலி

ஏக் துஜே கே லியே

வாழ்வே மாயம்

சிகப்பு ரோஜாக்கள்

குரு

சவால்

போன்ற ரி-ரிலீஸ் படங்களின் போஸ்டர்களை சென்னையில் வடசென்னையிலும், தமிழகத்தின் மற்ற ஊர்களிலும் அதிகமாக பார்க்கலாம்.

எந்த கருத்தையும் ஆராய்ந்து, அதன் பின் ஏற்று கொள்பவர்கள் நீங்கள் என்றால் ரஜினியை உங்களால் ஸ்டாராகவே ஏற்று கொள்ள முடியாது. மீடியா கூறுவது போல் அவர் பெரிய ஸ்டார் என்றால், கமல், எம்ஜியார் படங்களை போன்று ரஜினி படமும் ரி-ரிலீஸ் செய்யப்பட்டு வசூல் செய்ய வேண்டுமே. அவர் படங்களின் முதல் வெளியீடுகளே விநியோகிஸ்தர்கள்/தியேட்டர் உரிமையாளர்களை புலம்ப விடுகிறது, பின் எப்படி ரஜினியின் பழைய படங்கள் வசூல் செய்யும் என்று நம்பி அவர்கள் ரி-ரிலீஸ் செய்வார்கள்?

ஆனால் கமல்ஹாசனின் படங்களோ ரி-ரிலீஸிலும் கல்லா கட்டுகின்றன்.
கமல்ஹாசனின் இச்சாதனைகளும் மீடியாக்களால் மறைக்கப்பட்ட ஒன்று தான். அச்சாதனைகள் இனி உங்கள் பார்வைக்கு....

15 ஜூன் 2007 அன்று, சென்னை அகஸ்தியா தியேட்டரில் மறுவெளியீட்டில் திரையிடப்பட்ட வேட்டையாடு விளையாடு ஹவுஸ்புல்!!!  ஆனால் எதிரே மகாராணி தியேட்டரில் ரஜினியின் நியூ ரிலீஸ் சிவாஜி திணறிக் கொண்டிருந்தது...

முதல் வகுப்பு மற்றும் இரண்டாம் வகுப்பு ஹவுஸ்புல் - 6 மணியளவில்

திரையரங்கம் ஹவுஸ்புல் - காட்சி தொடங்கும் முன்

 

கமல் பக்தர்களின் பால் அபிஷேகம்

கமல்ஹாசர் என்ட்ரி - பக்தர்கள் ஆரவாரம்

உலகநாயகனின் பல படங்கள் ரி-ரிலீஸ் செய்யப்பட்ட போது 100 நாட்களை கூட கொண்டாடியிருக்கிறது, சிகப்பு ரோஜாக்கள், புன்னகை மன்னன், காக்கி சட்டை என....

இது மட்டுமல்ல, 1997ல் கமலின் டப்பிங் படம் சிப்பிக்குள் முத்து திருப்பூரில் ரி-ரிலீஸ் செய்யப்பட்டது. முதல் வார வசூல் மட்டும் ஒரு லட்சத்திற்கும் மேல், படமும் நான்கு வாரங்கள் ஓடியது.

1992ல் கமலின் டப்பிங் படம் சலங்கை ஒலி சென்னையில் மட்டும் 3 தியேட்டர்களில் ரி-ரிலீஸ் செய்யப்பட்டது. திரையிட்ட ஊர்களில் எல்லாம் மூன்று வாரங்களுக்கு மேல் ஓடியது.

1993ல் கமலின் அபூர்வ சகோதரர்கள் சென்னையில் மட்டும் 3 தியேட்டர்களில் ரி-ரிலீஸ் செய்யப்பட்டது. சுபம் (சத்யம் காம்ப்ளக்ஸ்) தியேட்டரில் மூன்று வாரங்களுக்கு மேல் ஓடியது.

1991ல் கமலின் வறுமையின் நிறம் சிவப்பு கோவை யமுனா தியேட்டரில் ரி-ரிலீஸ் செய்யப்பட்டு மூன்று வாரங்களுக்கு மேல் ஓடியது. (கீழே உள்ள விளம்பரத்தில் விநியோகிஸ்தர்களால் கமலுக்கு கொடுக்கப்பட்ட பட்டத்தை கவனிக்கவும்...)

பெங்களூர் பல்லவியில் 1986-ல் சிகப்பு ரோஜாக்கள் 35 நாட்கள் ஓடியுள்ளது.

2012 இந்த அக்டோபர் மாதம் தூத்துகுடி சத்யா தியேட்டரில் கமலின் இந்தியன், அவ்வை சண்முகி ரிலீஸ் செய்யப்பட்டது

ரி-ரிலீஸ் என்றாலே கமலும் எம்ஜியாருமே போட்டியில் இருக்கிறார்கள் அன்றும்... இன்றும்... என்றும்!!!

"விஸ்வரூபம்" பாடல்கள் - உலக நற்பணி தினத்தில்

உலக சினிமா ஜாம்பவான்களை தமிழ் சினிமா பக்கம் திரும்பிப் பார்க்க வைத்த ராஜ்கமல் பிலிம்ஸ் இண்டர்நேஷனல் வழங்கும் "விஸ்வரூபம்" உண்மையான பிரம்மாண்ட திரைப்படத்தின் தமிழ் பாடல்கள் நவம்பர்-7 உலக நற்பணி தினத்தில், தமிழ் திரையுலக வரலாற்றில் முதல் முறையாக சென்னை, கோயம்புத்தூர் மற்றும் மதுரையில் கமல்ஹாசனால் நேரடியாக வெளியிடப்படுகிறது.

ஒன் மேன் ஷோ என்பார்களே அது கமல்ஹாசனின் விஸ்வரூபம் மட்டுமே.


நியூ அப்டேட் :

"விஸ்பரூபம்" பாடல்கள் வெளியீடு  ,

காலையில் மதுரை
மதியம் கோவை
மாலையில் சென்னை (நேரு ஸ்டேடியம்)

ஒவ்வொரு ஊரிலும் உலக நாயகன் "எனக்குள் ஒருவன்" படத்தில் வருவது போல் ஹெலிகாப்டரில் சென்று, ரசிகர்களை சந்தித்து "விஸ்பரூபம்" பாடல்களை வெளியிடுகிறார்.

தன் பிறந்த நாளில் ரசிகர்களை சந்திக்காமல் ஓடி ஒளிபவர்களுக்கு மத்தியில், சென்னை, கோவை, மதுரை என்று 3 மாநகரங்களில் ரசிகர்களை தன் பிறந்த நாளில் சந்திக்கும் கமல்ஹாசன், மற்ற நடிகர்களுக்கு தன் ரசிகர்களிடம் எப்படி நடக்க வேண்டும் என்பதற்கும் முன்மாதிரியே.

அதிக திரையரங்குகள்... விரைவான வசூல்... வழிகாட்டிய கமல்!!!

சில வருடங்களுக்கு முன் ஒரு தமிழ்ப்படம், தமிழ்நாட்டில் ஒரே ஊரில் மூன்று திரையரங்குகளுக்கு மேல் வெளியிடவேண்டுமானால் அது சென்னையில் மட்டுமே சாத்தியமாயிருந்தது.

பெரிய ஹீரோக்கள் படம் என்றால் சென்னையில் நான்கிலிருந்து ஆறு திரையரங்குகளிலும், மதுரை, கோவை, சேலம் போன்ற அடுத்தகட்ட மாநகரங்களில் இரண்டிலிருந்து மூன்று திரையரங்குகளிலும், திண்டுக்கல் போன்ற சில பெரிய நகரங்களில் முதல் மூன்று நாட்கள் அல்லது ஒரு வாரம் இரண்டு திரையரங்குகளிலும், தஞ்சாவூர், விருதுநகர் போன்ற இதர நகரங்களில் ஒரு திரையரங்கிலும் திரையிடப்படும்.

தாராபுரம், சிவகங்கை போன்ற பல நகரங்களில் தமிழ்ப்படங்கள் நேரடியாக முதல் நாளிலேயே வெளிவராது. சுற்றுவட்டார நகரங்களில் ஓடிய பிறகு இங்கே திரையிடப்படும். உசிலம்பட்டி, திருமங்கலம் போன்ற சிறிய ஊர்களிலெல்லாம் ஒரு புதிய படம், மற்ற நகரங்களிலெல்லாம் ஓடி தேய்ந்து, 4 அல்லது 5 மாதங்கள் கழித்து தான் திரையிடப்படும்.

இப்படியிருந்த தமிழ் சினிமாவின் வர்த்தகம் இன்று எப்படிப்பட்ட இமாலய மாற்றத்தை அடைந்துள்ளது தெரியுமா? உசிலம்பட்டி, திருமங்கலம் போன்ற சிறிய ஊர்களிலெல்லாம் படங்கள் நேரடியாக ரிலீஸ் செய்யப்படுகிறது.

இதற்கெல்லாம் வழிகாட்டியவர் கமல்ஹாசன்!!!

கமல்ஹாசன் 2001-லேயே இவ்வாறு கூறினார், "புதிய படங்களை அதிகமான திரையரங்குகளில் ரிலீஸ் செய்து, சினிமா டிக்கெட் என்பது திரையங்கில் மட்டுமல்லாது, சூப்பர் மார்க்கெட்டிலும் கிடைக்கும் படி செய்ய வேண்டும்".

அவர் கூறிய படி செய்தால் தான், யாரேனும் இன்று இந்த படம் பார்க்கவேண்டும் என்று நினைத்தால், அன்றே பார்க்க முடியும். இல்லையேல் எந்த காட்சிக்கு டிக்கெட் இருக்குதோ அந்த காட்சியை தான் பார்க்க முடியும்.

எப்படி இந்த எண்ணம் கமல்ஹாசனுக்கு மட்டும் தோன்றியது? , ஏனெனில் கமல்ஹாசனின் படங்கள் மட்டும் தான் " திரையரங்குகளில் தொடர் ஹவுஸ்புல் சாதனைகளை" தொடர்ந்து செய்திருக்கிறது.

இவரின் படங்களுக்கு மட்டும் தான் அட்வான்ஸ் புக்கிங் கியூ 1978-லிருந்தே இருந்து வருகிறது. தேவி பாரடைஸ் தியேட்டரில் அபூர்வ சகோதரர்கள் படத்திற்கு அட்வான்ஸ் புக்கிங் செய்ய வந்த ரசிகர்களின் கியூ அன்றைய அலங்கார் தியேட்டரையும் தாண்டி( ஒரு கி.மீ தூரத்திற்கும் மேல்) இருந்தது என்பது சாதனை வரலாறு. மேலும் இந்த படம் எம்ஜியாரின் "உலகம் சுற்றும் வாலிபனின்" 70 நாள் தொடர் ஹவுஸ்புல் சாதனையையும் உடைத்தது. (ரஜினிக்கு இப்படி ஒரு சாதனை குறைந்த பட்சம் 3 நாட்களாவது இருந்தால், அது எந்த படம் என்பதை ஆதாரத்துடன் கமென்ட செய்யவும்.)

எனவே உலகநாயகன் தன் "ஆளவந்தான்" படத்திற்கு இருந்த மிகப்பெரிய எதிர்பார்பை கண்டு, 2001- ல் படத்தின் தயாரிப்பாளர் தாணுவிடம், அதிகமான் திரையரங்குகளில் ரிலீஸ் செய்யச் சொன்னார். ரஜினி, தாணு, விஜய் போன்றவர்களுக்கெல்லாம், வசூல் வருதோ இல்லையோ, படத்தை 175 நாள் ஓட்டவேண்டும். அப்படிப்பட்ட கலாச்சாரத்தில் இன்றும் வாழும் தாணுவுக்கு எட்டவில்லை அன்றே உலகநாயகன் சொன்னது.

எப்பவுமே உலகநாயகனின் தொலைநோக்கு பார்வை இந்த திரையுலகத்தினருக்கு காலம் தாழ்ந்து தான் புரியும், இதற்கு "சின்னதிரை" மிகச் சிறந்த உதாரணம். சின்னதிரை பெரியதிரையை அழித்து விடும், அதற்கு நடிகர்கள் யாரும் பேட்டி கொடுக்க கூடாது என்றெல்லாம் "நடிகர் சங்கம்" கூறியது. அதற்கு கமல், இது விஞ்ஞானத்தின் வளர்ச்சி, முடிந்தால் சினிமாவிற்கு பயன்படுத்திக் கொள்ளுங்கள் என்று தடைகளை மீறி பேட்டி கொடுத்தார். இன்று இவர்கள் "சின்னதிரையை" தான் தங்கள் படங்களுக்கு முதல் விளம்பரம் மையமாகவும், படத்தின் சேட்டிலைட் உரிமையை கோடிகளில் விற்றும் பயன்படுத்துகிறார்கள்.

அது போல, அதிக திரையரங்குகளில் முதலில் கமலே தன் "வேட்டையாடு விளையாடு (2006) " படத்தை வெளியிட்டார்.   நடிப்பிலும் திரைப்படம் எடுப்பதிலும் வழிகாட்டுவது மட்டுமல்லாமல், வர்த்தகத்திலும்  திரையுலகத்திற்கு வழிகாட்டினார் கமல்.

சென்னையில் மட்டும் 16 திரையரங்குகளில் (அடையார், அம்பத்தூர், குரோம்பேட், விருகம்பாக்கம் சேர்த்து தானே இப்போது விளம்பரம் செய்கிறார்கள் ) வெளியிடப்பட்டது.

1. சத்யம்

2. ஆல்பட்

3. மெலோடி

4. அபிராமி

5. காசி

6. பாரத்

7. கோபிகிருஷ்ணா

8. ஸ்ரீபிருந்தா

9. ரோகிணி

10. மாயாஜால்

11. பிரார்த்தனா

12. ஆராதனா

13. கணபதிராம்

14. ராக்கி

15. வெற்றி

16. ஸ்ரீ தேவி கருமாரி அம்மன்

சென்னையில் மவுண்ட ரோட்டை சுற்றிலும் 3 திரையரங்குகளில் ( சத்யம், ஆல்பட், மெலோடி ) வெளியிடப்பட்ட முதல் படமும் "வேட்டையாடு விளையாடு" தான்.

சென்னை மாயாஜாலில் முதல் முறையாக "வேட்டையாடு விளையாடு" தான் தினமும் 15 காட்சிகள் திரையிடப்பட்டது.

இதற்கு பின் பல படங்கள் திரையிடப்பட்டாலும், அதிகபட்சமாக உலகநாயகனின் "தசாவதாரம்" (2008) தான் தினமும் 52 காட்சிகள் வரை திரையிடப்பட்டது. 2008-ல் மாயாஜாலில் 10 திரையரங்குகள் மட்டும் தான் இருந்தது, இப்போது மாயாஜாலில் 14 திரைகள் இருந்தும், இன்றும் இச்சாதனை முறியடிக்கப் படவில்லை. அதற்கு கமல்ஹாசனின் "விஸ்வரூபத்திற்கு" மட்டுமே தகுதியுள்ளது.

சேலத்தில் முதல் முறையாக "வேட்டையாடு விளையாடு" தான் 5 திரையரங்குகளில் திரையிடப்பட்டது.

மதுரையில் முதல் முறையாக "வேட்டையாடு விளையாடு" தான் 5 திரையரங்குகளில் திரையிடப்பட்டது.

2006-ல் கமல் காட்டிய வழியில் இன்று சின்ன பட்ஜெட் படங்கள் கூட சென்னையில் சாதாரணமாக 15 தியேட்டர்களுக்கு மேல் திரையிடுகிறார்கள். படம் வெளியாவதற்கு முன் எதிர்பார்ப்பும், வெளியான பின் நல்ல மௌத் டாக்கும் இருந்தால் ஒரு வாரம் அல்லது பத்து நாட்களுக்குள் போட்டப் பணத்தை எடுத்து விடுகிறார்கள். அதற்கு மேல் வருவது எல்லாம் லாபம் தான்.

இதே பாணியில் அதிக திரையரங்குகளில் ரிலீஸ் செய்தாலும், ரஜினியின் சிவாஜி, எந்திரன் பல ஊர்களில், போட்ட பணத்தில் பாதி கூட வசூல் செய்யவில்லை என்று விநியோகிஸ்தர்களும் தியேட்டர் அதிபர்களும் புலம்பிக் கொண்டிருக்கின்றனர். விரிவாக அறிய இங்கே கிளிக் செய்க.

தசாவதாரத்தின் சாதனைகளே ( தென்னிந்தியாவின் உச்ச வசூல், திரையரங்கு உரிமையாளர்/விநியோகிஸ்தர்/தயாரிப்பாளர் என்று யாரும் குறை கூறாத மகாவெற்றி, மாயாஜாலில் தினமும் 52 காட்சிகள் ) இன்னும் முறியடிக்கப் படாமல் இருக்க,

1. உலகம் முழுவதும் 4000+ திரையரங்குகள்

2. வர்த்தகம் மட்டும் 250+ கோடிகள் ( மொத்த வசூல் 500+ கோடிகள் )

3. சென்னையில் மட்டும் 60+ திரையரங்குகள்

4. அமெரிக்காவில் மட்டும் 150+ திரையரங்குகள்

என்று உலகநாயகனின் விஸ்வரூபம் செய்யப்போகும் சாதனைகளை மற்றவர்கள் கனவாவது காண முடியுமா?