இலங்கை தமிழர்களுக்காக 1985-ல் கண்டன ஊர்வலம் நடத்திய கமல் ரசிகர்கள்

இலங்கை தமிழர்கள் படுகொலையை கண்டித்து  கமல் ரசிகர்கள், சென்னையில் 18-செப்டம்பர்-1985-ல், கமல்ஹாசன் தலைமையில்  கண்டன ஊர்வலம் நடத்தினர்.

ஊர்வலத்தில் கமல்ஹாசன் பேசியது : இலங்கையில் நடக்கும் அட்டூழியத்தை  தடுத்து நிறுத்த, தட்டி கேட்க நமக்கு திணவு எடுத்து தோள்கள் இருக்கின்றன என்பதை எடுத்துகாட்டுவதற்காகத் தான் இங்கு கூடியிருக்கிறோம். எனவே கோஷங்கள் போடும் போது கட்டுப்பாட்டை மீறக் கூடாது என்றார்.

ஊர்வலம் சென்னை அண்ணா சாலையில் உள்ள காமராஜர் சிலை அருகே தொடங்கி,  காயிதே மில்லத் கல்லூரி, காலேஜ் ரோடு வழியாக நுங்கம்பாக்கத்திலுள்ள  இலங்கை தூதரகத்தை அடைந்தது.

செய்தி உதவி : பாரடைஸ் யூனிட் சேகர்

Universal Hero Kamalhaasan and his fans' conducted procession against carnage of srilankan Tamils, on 18-September-1985 in Chennai.

Kamal Haasan told : We have gathered here to show our power and to stop the atrocity happening against srilankan Tamils. Also don't violate the laws during procession.

Procession started from Kamarajar statue near mount road and ended at srilankan embassy, Nungambakkam via kaithe millath college & college road.

காவிரிமைந்தனுக்கு வைகைமைந்தன் சண்டியர்கரனின் பதில்கள்

http://vimarisanam.wordpress.com -ல் காவிரிமைந்தன் என்பவர் பல கேள்விகளை கமல்ஹாசனிடம் கேட்கிறார். இவர் வகுப்பறையில் வாத்தியாரிடம் கேள்விகள் கேட்டிருக்க மாட்டார், வலையில் யாரிடமும் தைரியமாக கேட்கலாம் என்று கமல்ஹாசனிடம் நிறைய கேட்டிருக்கிறார்.

உங்களுக்கு பதில் சொல்ல கமல்ஹாசன் தேவையில்லை...நானே போதும்ம்ம்ம்ம்ம்ம்ம்ம்.

காவிரிமைந்தனின் கேள்வி:


சினிமாவுக்கு எந்த அரசும் நல்லது செய்யவில்லை……..
நான் இந்த அரசை மட்டும் சொல்லவில்லை.
இந்தியா முழுவதும் இருக்கிற பதினைந்து அரசாங்கத்தையும்
தான் சொல்கிறேன். ’’ என்று பேசினார்…..
(முதல் வார்த்தையைச் சொல்லி விட்டு, எப்படிப் புரிந்து
கொள்ளப்படுமோ என்று பயந்து போய், “இந்த அரசை மட்டும்
சொல்லவில்லை. இந்தியா முழுவதும் இருக்கிற பதினைந்து
அரசாங்கத்தையும் தான் சொல்கிறேன்” என்கிறார்.
இந்தியாவில் இருப்பது 15 அரசாங்கம் அல்ல -
29 மாநில அரசுகள், யூனியன் ஆட்சிப் பிரதேசங்கள்,
மற்றும் மத்திய அரசு என்பது கமலுக்குத் தெரியாதா என்ன ?
சொன்ன பிறகு ஏற்பட்ட பதட்டம் – 15 அரசு என்று சொல்கிறார்…)

எனது பதில் :

கமல்ஹாசன் குறிப்பிடுவது 15 மாநிலங்களை அல்ல.. 29 மாநிலங்களை ஆளும் 15 கட்சிகளை. விவரம் அறிய கிளிக் செய்க
 http://www.mapsofindia.com/maps/india/states-political-parties.html

காவிரிமைந்தனின் கேள்வி:

சினிமாத் துறைக்கு இதைவிட அதிகமாக அரசாங்கம்
என்ன செய்ய வேண்டும்….? ஏன் -எதற்காக செய்ய வேண்டும் ..?
 
எனது பதில் :   

கமல்ஹாசன் அரசாங்கங்களிடமிருந்து சினிமாவிற்கு கேட்பது லட்சங்களை அல்ல. முறையாக சென்சார் செய்யப்பட்ட பிறகும் ரிலீஸ் நேரத்தில் கட்டப் பஞ்சாயத்துகாரர்கள் செய்யும் சென்சாராரிடம் இருந்து சினிமாவை காக்க சொல்கிறார்.திருட்டு வீடியோ, திருட்டு CD ஆகி இன்று திருட்டு DVD ஆகி விட்டது, அந்த திருட்டு தொழிலை முற்றிலும் முடக்க  நடவடிக்கை எடுக்க கேட்கிறார்.

காவிரிமைந்தனின் கேள்வி:

மற்ற துறைகளை விட சினிமாத்துறை எந்த விதத்தில் சிறந்தது ?
எந்த விதத்தில் அது விசேஷ உதவிக்கு தகுதியான்து ?

எனது பதில் :

யாராகினும் தான் சார்ந்த துறைக்கு தான் அரசாங்கத்திடம் உதவி கோருவார்கள், சினிமாவிற்காக கேட்காமல் வாகன துறைக்காகவா கேட்க சொல்கிறீர்கள்?

காவிரிமைந்தனின் கேள்வி:

 இன்றைக்கும் கூட, நவீன வசதிகள் எதுவும் இல்லாத
குக்கிராமங்களில், ஏழை கர்ப்பிணிப் பெண்களுக்கு,
இரவு பகல் எப்போதாக இருந்தாலும் சளைக்காமல், அலுக்காமல்
பிரசவம் பார்க்கிறாரே ஒரு மருத்துவச்சி -அவரை விட,
- ரணம் புழுத்து நெளியும் இறுதிகட்ட நோயாளிகளுக்கு,
கேன்சர் ஆஸ்பத்திரியில், முகம் சுளிக்காமல், புண்ணைத் துடைத்து,
பணி புரிகிறாரே – அந்த செவிலியரை விட,
- கொட்டும் மழையிலும், நடுங்கும் குளிரும் – கண் மூடாமல்,
துப்பாக்கியைக் கையில் பிடித்துக்கொண்டே காஷ்மீர் எல்லையில்
பணியில் ஈடுபட்டிருக்கிறாரே – அந்த ராணுவ வீரரை விட -
உங்களைப் போன்ற சினிமா நடிகர்கள், இந்த சமுதாயத்திற்கு என்ன
சேவை செய்து கிழித்து விட்டீர்கள் – ஸ்பெஷலாக கவனிக்க …?


எனது பதில் :

கஷ்டப்பட்டு மிகப்பெரிய வீர வசனம் எழுதிருக்கீங்க...ஆனா கேள்வியை தான் சரியா புரிஞ்சிக்காம எழுதிருக்கீங்க...அவர் சினிமா நடிகர்களுக்கு கேட்க வில்லை....சினிமா துறைக்கு தான் கேட்கிறார்.


காவிரிமைந்தனின் கேள்வி:

பெரும்பாலான சினிமாக்கள் சமூகத்தின் நலனில் சிறிதும்
அக்கரையின்றி தான் எடுக்கப்படுகின்றன…. 2 மணி நேர படத்தில்,
ஒன்றரை மணி நேரம் ஹீரோவும், அவனது நண்பர் கூட்டமும்
சாராயக்கடையில் கூத்தடிப்பதாகத் தான் இன்றைய தினம்
படங்கள் வருகின்றன. நாலு சண்டை, அரைகுறை ஆடைகளோடு
கூச்சலுடன் கன்னா பின்னாவென்று இரண்டு குத்துப்பாட்டு,
சாராயக்கடை அசிங்கங்கள் – இவற்றை கலை என்று சொல்லி
அவர்கள் காசு சம்பாதிக்க – அரசு உதவி வேறு வேண்டுமா …?

ஐம்பது ஆண்டுகளுக்கு மேலாக திரைப்படத்துறையில்
பிழைப்பு நடத்தும் நீங்கள் என்றைக்காவது தமிழ்த் திரைப்படங்களின்
இத்தகைய போக்கை கண்டித்திருக்கிறீர்களா ?
அரசைக் குறைகூறத் தெரிந்த உங்களுக்கு இன்றைய
திரைப்படங்களின் அவலமான போக்கை கண்டிக்க ஏன்
தோன்றவில்லை ? 

எனது பதில் :

கமல்ஹாசனும் இதை தான் கேட்கிறார் மக்களை. கெட்ட சினிமாக்களை புறக்கணியுங்கள் என்று. அப்பொழுது தான் நல்ல சினிமாக்கள் மட்டுமே உருவாகும் என்று.

காவிரிமைந்தனின் கேள்வி:
 
இன்று நீங்கள் கலந்து கொண்டிருக்கும் விழாவில்,
படத்தின் பெயர் என்ன …? (வாலிப ராஜா…..!)
அந்தப்படம் சமூகத்திற்கு தரப்போகும் செய்தி என்ன ….?
செய்யப்போகும் சேவை என்ன ….?
என்ன…? என்ன….?

எனது பதில் :
 
இளைய தலைமுறைய ஊக்குவிக்கத் தான் நான் அங்கு வந்திருக்கிறேன் என்று மேடையில் கூறினாரே கவனிக்க வில்லையா?

காவிரிமைந்தனின் கேள்வி:

உங்கள் படங்கள் வெளியிடப்படும் திரையரங்குகளில் -
பாப்கார்ன் என்ன விலைக்கு விற்கப்படுகிறது தெரியுமா …?
கோக்…? மற்ற குளிர்பானங்கள் …? காப்பி/தேநீர் ….?
ஏன் வெறும் தண்ணீர் பாட்டில் என்ன விலை தெரியுமா …?

எனது பதில் :

திரையரங்க உரிமையாளர்களிடம் கேட்கவேண்டிய நியாமான கேள்வி. நீங்க கூட நுகர்வோர் நீதிமன்றத்தில் வழக்கு தொடுக்கலாமே... வெற்றி பெற்றால் தமிழக சினிமா ரசிகர்கள் எல்லாரும் உங்களை கொண்டாடுவார்கள்.


காவிரிமைந்தனின் கேள்வி:

உங்கள் புதிய திரைப்படத்தை வெளியிடும் முன்னர் ஒவ்வொரு
முறையும் எதாவது பிரச்சினையையும் பரபரப்பையும் கிளப்பி இலவச
ஆதாயம்-விளம்பரம் பெறும் நீங்கள் விஸ்வரூபம் – 2ஆம் பகுதியை
முடித்து 7 மாதங்களாகியும் இன்னும் வெளியிடாமல்
வைத்திருப்பதன் காரணமென்ன …?
“தகுந்த சூழ்நிலை” இன்னும் உருவாகவில்லையா அல்லது
உருவாக்க திட்டம் இன்னும் தயாராகவில்லையா ….?

எனது பதில் :

தவறாக புரிந்து கொண்டிருக்கிறீர்கள். கமல்ஹாசனை சீண்டினால் நமக்கு பப்ளிசிட்டி கிடைக்கும் என்று மற்றவர்கள் கமல்ஹாசனிடம் பிரச்சினை செய்கிறார்கள்.

காவிரிமைந்தனின் கேள்வி:

இவ்வளவு அனுபவமும், திரைப்படத்துறையில்
விஷய ஞானமும் உள்ள நீங்கள் – ஆண்டுக்கு இரண்டு,
நல்ல தரமான, குறைந்த பட்ஜெட் படங்களை
எடுத்து வெளியிட்டால் என்ன ? எது தடுக்கிறது ?
ஏன் – உங்கள் எல்லா படங்களிலுமே நீங்கள் தான் நாயகனாக
நடிக்க வேண்டுமா..?

எனது பதில் :

தரத்தினை எதிர்பார்த்தால் விலை அதிகம் தான் கொடுக்க வேண்டும். இருப்பினும் உன்னை போல் ஒருவன் சின்ன பட்ஜெட் ரீமேக் செய்தார். அடுத்து "திரிஷ்யம்" ரீமேக் செய்கிறார். சின்ன பட்ஜெட் என்றாலும் பெரிய பட்ஜெட் என்றாலும் கமல்ஹாசனால் மட்டுமே அதை ஹிட்டாக்க  முடியும். இன்றும் 30 வயது தோற்றத்தில் இருக்கும் கமல்ஹாசன் ஹீரோவாக நடிப்பதில் அவ்வளவு வயிற்றெரிச்சலா?


காவிரிமைந்தனின் கேள்வி:

வெளியில், பொது நிகழ்ச்சிகளில் இளையராஜாவை இவ்வளவு
சிலாகித்துப் பேசும் நீங்கள் – உங்கள் படங்களில் அவரைப்
பயன்படுத்திக் கொள்ளாதது ஏன் …? உங்கள் படத்தின் “தரத்”திற்கு
அவர் பொருத்தமற்றவர் என்பதாலா ….?

எனது பதில் :

ரஜினி போன்ற நன்றி மறந்தவர்கள் இளையராஜாவின் நிழலில் இருந்து ஒதுங்கிய பிறகும், கமல்ஹாசன் மட்டுமே 2005 மும்பை எக்ஸ்பிரஸ் வரை தன் படங்களில் இசையமைக்க வைத்தார். சென்ற வருடம் கூட இளையராஜாவின் லண்டன் இசை நிகழ்ச்சிக்கு சென்று மேடையேறி பாடி விட்டு வந்தவர் உலகநாயகன் என்பதை வேண்டுமென்றே மறந்து விட்டீர்கள்.

காவிரிமைந்தனின் கேள்வி:

அண்மையில் நீங்கள் ஒரு விளம்பரத்தில் சொல்லி
இருந்தீர்கள். “நான் உரிய நேரத்தில், ஒழுங்காக வரி கட்டுகிறேன்.
மக்கள் அனைவரும் ஒழுங்காக வருமான வரி கட்ட
வேண்டும். நான் ஒரு பைசா கூட வரி பாக்கி வைக்கவில்லை
என்பதில் பெருமை கொள்கிறேன்”.
ரொம்ப சந்தோஷம். ஆனால் இதே போல் கொஞ்சம்
வெளிப்படையாக கடந்த ஆண்டு உங்களுக்கு வந்த வருமானம்
எவ்வளவு….? கட்டிய வருமான வரி எவ்வளவு ?
ஒரு படத்திற்கு எவ்வளவு கோடி சம்பளம் வாங்குகிறீர்கள் ..? -
போன்ற விவரங்களையும் சொல்ல முடியுமா ….?
நாங்கள் எல்லாம் சொல்கிறோமே எங்கள் வருமானத்தை
வெளிப்படையாக…! நீங்கள் ஏன் சொல்ல மாட்டேனென்கிறீர்கள் ..?


எனது பதில் :

பொருளாதாரம் படித்தவர் கேட்ட கேள்விகளிலேயே உச்சத்திலிருக்கும் மட்டமான கேள்வி இது தான். ஒருவர் இந்தியாவில் தான் எவ்வளவு சம்பாதிக்கிறோம் என்பதை வருமான வரி அலுவலகத்தில் குறிப்பிட்ட படிவத்தை பூர்த்தி செய்து கொடுத்து அதற்குரிய வரியை செலுத்தினால் போதும். வருபவர் போறவருக்கெல்லாம் சொல்ல வெண்டும் என்ற அவசியம் கிடையாது. அப்படி கமல்ஹாசன் வருமானத்திற்கு அதிகமாக சொத்து வைத்திருக்கிறார் என்ற ஆதாரம் உங்களிடம் இருந்தால், வருமான வரி அலுவலகத்தில் புகார் அளித்தால் அவர்கள் பார்த்து கொள்வார்கள்.

காவிரிமைந்தனின் கேள்வி:

ஆமாம் – இரவு பகலாக கண்விழித்து பணிபுரியும்
மருத்துவர்களை விட, விஞ்ஞானிகளை விட, ராணுவ வீரர்களை
விட, ஸ்விட்சர்லாந்திலும், நியூசிலாந்திலும், இள வயது
ஹீரோயின்களை கட்டிப்பிடுத்துக் கொண்டு டூயட் பாடும் உங்கள்
உழைப்பு எந்த விதத்தில் உயர்ந்தது ?
எந்த விதத்தில் கடுமையானது …?

எனது பதில் : 

தங்களுக்கு கல்யாணம் (50 வயதுக்கு மேல் ஆகியும்) ஆகவில்லை என்றால், பெற்றோரிடம் தங்கள் நிலைமையை எடுத்து கூறி கல்யாணம் செய்து வைக்க சொல்லவும். ஒருவேளை கல்யாணம ஆகியிருந்தால் உங்களுக்கு வந்திருக்கும் இந்த வியாதிக்கு நித்தியிடம் மருந்திருக்கிறாதா என்று விசாரிக்கவும். 

காவிரிமைந்தனின் கேள்வி:

இத்தனை ஆண்டுகளாக இந்த நாட்டு மக்களிடமிருந்து
இவ்வளவு பணம் சம்பாதித்திருக்கிறீர்களே … உங்களுக்கு
இத்தனை பணத்தையும், புகழையும் கொடுத்த இந்த மக்களுக்கு
நீங்கள் திரும்பக் கொடுத்திருப்பது என்ன …..?

எனது பதில் :  

அதான் ஒழுங்கா வரி கட்டுகிறார்ல... மக்களுக்கு தேவையானதை அரசாங்கம் தான் செய்ய வேண்டும். இருப்பினும், அவர் "பெற்றால் தான் பிள்ளையா" என்று எய்ட்ஸால் பாதிக்கப்பட்ட குழந்தைகளுக்கான டிரஸ்ட் நடத்தி வருகிறார், தன் ரசிகர்களை இரத்த தானம், உறுப்பு தானம், உடல் தானம் செய்ய வைத்தது மட்டுமின்றி, முன்னுதாரணமாக முதலில் அவரே செய்திருக்கிறார், பல விழிப்புணர்வு விளம்பரங்களில் இலவசமாக நடித்துள்ளார்.

வெற்றிவிழா ரி-ரிலீஸ் மதுரையில்

எம்ஜியாரின் பலபடங்களுக்கும் சிவாஜியின் சிலபடங்களுக்கும் இருக்கும் ரிரிலீஸ் மவுசு, கமல்ஹாசனின் எல்லாப் படங்களுக்கும் உண்டு என்பதை மீண்டும் நிருபித்திருக்கிறார்கள் மதுரை கமல் ரசிகர்கள்.

மதுரை சென்ட்ரல் தியேட்டர் வெற்றிவிழா ரி-ரிலீஸ் கொண்டாட்டத்திற்கு மதுரை கொம்பமுத்து, சென்னை கமல்வாதிகளை அழைத்திருந்தார்.

 
சென்னையிலிருந்து பாரடைஸ்யூனிட் கமல்ஹாசன் நற்பணி இயக்கத்தை சேர்ந்த 8 கமல் பக்தர்கள் 5-எப்ரல் சனிக்கிழமை இரவு ஆம்னி காரில் கிளம்பினோம்.

இந்த திருவிழாவை ஏற்பாடு செய்திருந்த "கமல் அன்பன்" கொம்பமுத்து அவர்களுக்கு முதலில் சென்னை கமல்வாதிகள் சார்பாக என் நன்றிகள்.

கமல்ஹாசனின் வெற்றிவிழா முதல் வெளியீடு செய்த சாதனைகள் முதலில் உங்கள் பார்வைக்கு...

ரிரிலீஸ் வெற்றிவிழாவிற்கு மதுரை கமல் பக்தர்கள் பல பேனர்கள் மற்றும்
25 க்கும்  மேற்பட்ட போஸ்டர்கள் என மற்ற நடிகர்களின் ரசிகர்களுக்கு கிலியை உண்டாக்கியுள்ளனர்.

ஏற்பாடு செய்திருந்த "பேண்டு வாத்தியங்கள்" தேர்தல் நேரத்தினால் கேன்சல் செய்யப்பட்டது எங்கள் செவிகளுக்கு கிடைக்க வேண்டிய மகிழ்ச்சியை தடுத்துவிடுமே என்று தவித்த எங்களுக்கு, மதுரை கமல் பக்தர்களின் "ஆழ்வார்பேட்டை ஆண்டவா....கடவுளே எங்கள் கமலே...தெய்வமே..." போன்ற அர்ச்சனை வாசகங்களை தெளிவாக செவிகள் குளிர கேட்டு மகிழ வழி செய்தது.

முதலில் மதுரை சென்ட்ரல் தியேட்டரின் வாசலில் வைக்கப்பட்டிருந்த கமல்ஹாசர் பேனருக்கு பூமாலைகள் பல சூடப்பட்டது.

அடுத்து கமல்ஹாசருக்கு பல குடங்களில் பாலாபிஷேகம் செய்யப்பட்டது.

அடுத்து கமல்ஹாசருக்கு மஞ்சள் அபிபிஷேகம் செய்யப்பட்டது.

அடுத்து கமல்ஹாசருக்கு சூடம்காட்டி தேங்காய்கள் உடைக்கப்பட்டது.

இந்த பூஜைகளின் போது ஏற்பட்ட சாலை நெருக்கடிகளை ஒழுங்கு செய்ய போலீசார்கள் குவிக்கப்பட்டனர், அவர்களுக்கு மதுரை & சென்னை கமல்ஹாசன் நற்பணி இயக்கங்கள் சார்பாக நன்றியை தெரிவித்து கொள்கிறோம்.

இவையெல்லாம் தியேட்டருக்கு வெளியே செய்யப்பட்ட கொண்டாட்டங்கள். இவையனைத்தையும் படம் பிடித்து கொண்டிருந்ததால், உலகநாயகனின் அறிமுக காட்சி கொண்டாட்டத்தை பதிவு செய்ய முடியவில்லை. அது கொஞசம் வருத்தமே எனக்கு.

"மாறுகோ மாறுகோ" பாடலில் தலைவரின் ஆட்டத்தின் போது, மதுரை கமல் பக்தர்கள் வெளிப்படுத்திய பரவசத்தை கீழிருக்கும் வீடியோவில் பாருங்கள். 100க்கும் மேற்பட்ட கமல் பக்தர்களின் ஒரே சீரான விசில் சத்தங்களின் வலிமையை இந்த வீடியோவில் கண்டு மகிழுங்கள்

இந்த திருவிழாவை ஏற்பாடு செய்த மதுரை "பரமக்குடியாரின் பயமறியா பாசக்கார பயலுக" கொம்பமுத்து குழுவினர் இங்கே...

இந்த திருவிழாவிற்கு சென்னையிலிருந்து சென்ற சென்னை கமல்வாதிகள் மதுரை கமல் பக்தர்களுடன் இங்கே...

திருவிழாவை சிறப்பித்த அனைத்து கமல் பக்தர்களும் இங்கே...

பூமாலைகள், பால் & மஞ்சள் அபிஷேகங்கள் இங்கே...

கமல் ரசிகர்களின் அரசியல்

கமல்ஹாசன் கூறுவார் எனக்கு அரசியல் தெரியாது என்று. அது உண்மையல்ல... அவருக்கு  மற்ற நடிகர்கள் போல ஒரு கட்சி சார்பாக அரசியல் செய்ய தெரியாது என்பதே உண்மை.

தன் புகழை மக்கள் நலனுக்காக பயன்படுத்தும் முதன்மையான கலைஞன் கமல்ஹாசன் மட்டுமே.

பணத்திற்கு வாக்களிக்காதீர்கள்...சுயமரியாதையை விற்காதீர்கள்...சிந்தித்து வாக்களியுங்கள் என்று இந்திய தேர்தல் ஆணையம் சார்பாக, இலவசமாக, தேர்தல் விழிப்புணர்வு விளம்பரத்தில் நடித்துள்ளார். அதை பார்க்க கிளிக் செய்க.

இன்று அவரது வழியில், மதுரையை சேர்ந்த புதுமை நாயகன் கமல்ஹாசன் நற்பணி இயக்கம் சார்பாக, கமல்ஹாசனின் தேர்தல் விழிப்புணர்வு வாசகங்களை, மதுரை அரசரடியில், சுவர் விளம்பரமாக அமைத்துள்ளனர்.

தனது ஆதர்ச நடிகர் அரசியலுக்கு வந்தால் அவரை வைத்து சம்பாதிக்கலாம் என்று அவரது ரசிகர்களும், ரசிகர்களை உசுப்பேற்றினால் நாம் நன்கு சம்பாதிக்கலாம் என்று அந்த நடிகரும் இருக்கும் காலகட்டத்தில், சமூக நலனுக்காக போராடும் கமல்ஹாசனும், அவர் காட்டும் நல்வழியில் செல்லும் கமல் ரசிகர்களும் கண்டிப்பாக பாராட்டப்பட வேண்டியவர்களே!!!

தோன்றின் கமல் ரசிகனாக தோன்றுக...!!!

சமீபத்தில் ஒரு கமல் ரசிக பதிவர், ஓரிரு முறைகள், தான் மற்ற நடிகரின் ரசிகராக இருந்திருக்க கூடாதா என்று நினைத்திருப்பதாக அவர் எழுதிய ஒரு பதிவில் குறிப்பிட்டிருந்தார். அதை படித்தவுடன் நான் அப்படி நினைத்துண்டா என்று யோசித்ததின் விளைவு தான் இப்பதிவு.

நான் பல தடவைகள் நல்ல வேளை நான் கமல் ரசிகன்டா என்று நினைத்து பெருமை தான் பட்டிருக்கிறேன்... 

எப்பொழுதெல்லாம் தெரியுமா?

• சென்னையில் ஒரு நடிகரின் பல்வேறு மொழிப் படங்களும் சாதனை செய்திருக்கிறது என்றால் அது கமல்ஹாசன் படங்கள் மட்டும் தான் என்று அறிந்த போது
  
  மரோசரித்ரா (தெலுங்கு) - 595 நாட்கள்
  ஏக் துஜே கே லியே (ஹிந்தி) -105 நாட்கள்
  சத்மா (ஹிந்தி) - 119 நாட்கள்
  சாகர் (ஹிந்தி) - 105 நாட்கள்
  
  கோகிலா (கன்னடம்) - 100 நாட்கள்
  
  ராஸலீலா (மலையாளம்) - 100 நாட்கள்
  சாணக்யன் (மலையாளம்) - 100 நாட்கள்
  
  இரு நிலவுகள் (தமிழ் டப்பிங்) - 100 நாட்கள்
  சலங்கை ஒலி (தமிழ் டப்பிங்) - 100 நாட்கள்
  சிப்பிக்குள் முத்து (தமிழ் டப்பிங்) - 100 நாட்கள்
  இந்திரன் சந்திரன் (தமிழ் டப்பிங்) - 100 நாட்கள்
  பாசவலை (தமிழ் டப்பிங்) - 108 நாட்கள்

• ஒரே வருடத்தில் (1982) தமிழில் மட்டும் மூன்று வெள்ளி விழா படங்களை (மூன்றாம் பிறை, வாழ்வே மாயம், சகலகலா வல்லவன்) கொடுத்தது கமல்ஹாசன் மட்டும் தான் என்று அறிந்த போது...

• கமல்ஹாசன் என்ற நடிகன் தான், முதலில் தன் ரசிகர் மன்றங்களை கலைத்து, மக்களுக்கு உதவும் நற்பணி இயக்கங்களாக மாற்றினார் என்று அறிந்த போது....

• கமல்ஹாசன் தான் நடிகர்களிலேயே முதல் முறையாக உடல் தானம் செய்த போது....

• குளிர்பான விளம்பரத்தில் நடித்தோமா கோடிகளை பார்த்தோமா என்றில்லாமல், HIV & TAX பற்றிய விழிப்புணர்வு விளம்பரங்களில் சம்பளம் பெறாமல் நடிக்கும் போது...

• காதல் இளவரசனாய் நான் ரசிக்க ஆரம்பித்த கமல்ஹாசன் இன்று உலக நாயகனாய் இருப்பதை பார்க்கும் போது....

• இந்திய சினிமாக்களில் நவீனங்களை முதலில் புகுத்துவது கமல்ஹாசன் தான் என்று சினிமாத்துறையினரே பாராட்டும் போது....

• அந்த காலத்து நடிகர்களின் படங்களும் இந்த காலத்து நடிகர்களின்  படங்களும், இன்றைய காலகட்ட இளைஞர்களால் கேலி செய்யப்படும் போது, கமல்ஹாசனின் குணா, ஹேராம், அன்பே சிவம் அன்று வரவேற்க படவில்லை என்றாலும் இன்றைய இளசுகளால் சிலாகிக்கப் படும் போது....

• தன் சுயலாபத்திற்காக, அரசியலுக்கு வருவேன் வருவேன் என்று மற்ற நடிகர்களை போல பிழைப்பை ஓட்டாமல், தைரியமாக "நான் அரசியலுக்கு வர மாட்டேன்" என்று தன் ரசிகர்களிடம் கூறும் போது...

• நான் விரும்பிய ஹீரோ இன்றும் கைத்தட்டல்களையும் விருதுகளையும் ஒரு சேர வாங்கி குவித்து கொண்டே இருப்பதை பார்க்கும் போது....

இதே போல உங்களுக்கும் பல நேரங்களில் தோன்றியிருக்கும், அவற்றை பின்னூட்டங்களில் தெரிவியுங்கள்.

இப்படிப்பட்ட கமல்ஹாசனின் சிறப்பை பற்றி திருவள்ளுவரை குறள் ஒன்று எழுதச் சொன்னால், இப்படி தான் எழுதியிருப்பார்....

தோன்றின் கமல்ரசிகனாக தோன்றுக அஃதில்லார்
தோன்றலின் தோன்றாமை நன்று...

விஸ்வரூபம் காண திக் திக் திருப்பதி பயணம்

விஸ்வரூபத்தை தமிழ்நாட்டில் தடை செய்தவர்களுக்கு நன்றி... தடைகளை தாண்டி சரித்திரம் படைத்துக் கொண்டிருக்கிறார் கமல், மாநிலங்கள் தாண்டி விஸ்வரூபத்தை பார்த்துக் கொண்டிருக்கிறார்கள் கமல் ரசிகர்கள்!!!

அப்படி மாநிலம் தாண்டிய கமல் ரசிகர்கள் குழுவில் ஒன்றான எங்கள் சென்னை குழு, நேற்று இரவு பைலட் தியேட்டரில் முடிவு செய்தது திருப்பதி அல்லது நெல்லூர் சென்று விஸ்வரூபம் பார்ப்பது என்று. ஆனால் இரவு 12 மணிக்கு தான் ஆந்திராவில் விஸ்வரூபம் தெலுங்கில் ரிலீஸ் ஆகிறது என்று உறுதியானது. இன்று அதிகாலை 5 மணிக்கு புறப்படுவது என்று முடிவு செய்தோம், ஆனால் நாங்கள் ஆறு பேரும் போரூரை தொடுவதற்கே 6 மணி ஆகிவிட்டது.

திருப்பதியை எங்கள் இன்னோவா தொட்டபோது, எனக்கு சென்னையிலிருந்து அழைப்பு வந்தது, ஆந்திராவிலும் படத்தை தடை செய்துவிட்டார்கள் என்று, ஆஹா ஆரம்பிச்சிட்டாங்கடா என்றிருந்தது, சரி வந்தது வந்து விட்டோம் தியேட்டரையாவது பார்த்து விட்டு செல்வோம் என்று பஸ்நிலையம் அருகிலிருக்கும் ஜெயசியாம் தியேட்டருக்கு சென்றோம்.

ஆனால் பகல் காட்சிக்கு டிக்கெட் கொடுத்து கொண்டிருந்தார்கள், கும்பலில் அடித்து பிடித்து டிக்கெட்டுகளை வாங்கினோம், அதற்குள் நெல்லூரில் அரை மணி நேரத்திற்கு பின் படத்தை நிறுத்தி விட்ட செய்தி கிடைத்தது. வந்ததுக்கு ஓப்பனிங் பாடலை மட்டும் காட்டுங்கடா, அதை மட்டும் பார்த்துட்டு போறோம்டான்னு என்றிருந்தது எங்களுக்கு.

தியேட்டருக்குள் நுழையும் வரை படம் போடுவாங்களா மாட்டாங்களா, படத்தை ஆரம்பித்த பிறகு ஓப்பனிங் சாங் வரையாவது போடுவாங்களா மாட்டாங்களா என்று எண்ணிகொண்டு பார்த்து கொண்டிருந்தோம், "உனை காணாத" பாடல் முடிந்த பிறகு, ங்கோத்** இது போதும்டா சென்னையிலிருந்து வந்ததுக்கு என்றிருந்தது.

அதன்பின், படம் ஜெட் வேகத்தில் சென்றதில் படத்தை நிறுத்துவார்களா என்ற கவலையே மறந்தது. இது போன்று ஆக்ஷ்ன் + திரில்லிங் இந்திய சினிமாக்களில் இதற்கு முன் யாரும் செய்ததில்லை, அதற்கு "உலக இயக்குனர்" கமலுக்கு ராயல் சல்யூட்கள்!!!

உலக தமிழ் நாயகனின் உலக சினிமாவை தமிழ்நாட்டில் காண தமிழனுக்கு தடை, எனவே நாங்கள் கேள்வி மட்டும் பட்ட தெலுங்கு கமலின் மாஸை நேரில் காணமுடிந்தது. அதற்கு தமிழக அரசிற்கு நன்றி.

கமல் ரசிகர்களின் விஸ்வரூப போஸ்டர்கள்

கமல் ரசிகர்கள் Vs மற்ற ரசிகர்கள்

உலகில் எந்த நடிகர்களின் ரசிகர்களுக்கும் இல்லாத சிறப்பு கமல்ஹாசனின் ரசிகர்களுக்கு உண்டு. தென்னிந்திய சினிமாவின் பல நடிகர்களுக்கு  ஒரு படம் ஓடி விட்டாலே அரசியல் ஆசை வந்துவிடும். எம்ஜிஆர், என்டிஆர் தவிர அரசியல் ஆசையில் வீழ்ந்தவர்களே அதிகம்.

அதிலும் குறிப்பாக தமிழ்நாட்டுக்கு பிழைக்க வந்த நடிகர் ஒருவர் அவர்களின் ரசிகர்களுக்கு அரசியல் ஆசை காட்டியே காலத்தை ஓட்டிவிட்டார், இவரின் ரசிகர்களுக்கு இப்போது வயது 50க்கும் மேல் ஆகிவிட்டது, அவர்களுக்கு அந்த நடிகரின் பேனர்களுக்கு பால் ஊற்ற தெரியும்,  பீடி குடிக்க தெரியும். அவர்களால் அவர்களின் குடும்பங்களுக்கே உபயோகம் இல்லாத போது நாட்டிற்கு என்ன உபயோகம் ஆகிவிடும்.

கமலின் படங்கள் எப்படி தனித்துவம் வாய்ந்ததோ, அதே போல அவரின் ரசிகர்களையும் மற்ற நடிகர்களின் ரசிகர்களை போல அல்லாமல் தனித்துவம் வாய்ந்தவர்களாக மாற்றியுள்ளார். எம்ஜியார், கமலை அரசியலுக்கு 1986லே அழைத்தாலும், அதை மறுத்து, தன் ரசிகர்ளுக்கும் அந்த ஆசை இல்லாமல் பார்த்துகொண்டார். கமல் ரசிகர்கள் வெறும் விசிலடிச்சான் குஞ்சுகள் அல்ல, அவர்களால் இந்த சமுதாயத்திற்கு ஏதேனும் ஒருவகையில் உபயோகமாக இருக்கும் படி இன்றும் வழி நடத்துகிறார் கமல்ஹாசன்.

அப்படிப்பட்ட ஒரு நிகழ்வு தான், விருதுநகர் மாவட்ட தலைமை கமல்ஹாசன் நற்பணி இயக்கம் சார்பாக, நவம்பர் 25 அன்று, சிவகாசி அண்ணா காலனியில், உலகநாயகன் கமல்ஹாசனின் பிறந்த தினம் நற்பணி விழாவாக கொண்டாடப்பட்டது.

நற்பணி விழாவை, விருதுநகர் மாவட்ட கமல்ஹாசன் நற்பணி இயக்க பொறுப்பாளர் A.S.நாகராஜன், சுமார் 4.5 லட்சம் ரூபாய் செலவில் ஏற்பாடு செய்திருந்தார். சிவகாசி செயல்வீரர் சசிபாலன் அவருக்கு உறுதுணையாக அனைத்து நிகழ்ச்சிகளிலும் பம்பரமாக சுழன்று விழாவை சிறப்பாக நடத்தி கொடுத்தார்.

நற்பணி விழாவை, அகில இந்திய கமல்ஹாசன் நற்பணி இயக்க பொறுப்பாளர் R.தங்கவேலு தலைமை தாங்கினார்.

நற்பணி விழாவில் நடைபெற்ற நிகழ்ச்சிகள் பின்வருமாறு....

1. அன்னை சாரதா ஆசிரம 100+ குழந்தைகளுக்கு காலை உணவு
2. இரத்த தான முகாம் ( 150+ கமல் ரசிகர்கள்  )
3. மரக்கன்றுகள் (58) நடுதல்
4. கமல் ரசிகர்களின் சிலம்பாட்டம்

5. சிவகாசி மக்களுக்கு இலவச ஆம்புலன்ஸ்

6. CSI பள்ளி மன வளர்ச்சி குன்றிய 350+ குழந்தைகளுக்கு மதிய உணவு
7. முதியவர்களுக்கு இலவச வேட்டி/சேலை
8. சிறுவர்/சிறுமிகளுக்கான விளையாட்டு போட்டிகள்

நற்பணி விழாவில், தேனி மாவட்ட பொறுப்பாளர் வைகை ஜெயக்குமார், ஈரோடு மாவட்ட பொறுப்பாளர் சந்துரு, தஞ்சாவூர் மாவட்ட பொறுப்பாளர் தர்மசரவணன், மதுரை மாவட்ட பொறுப்பாளர் அழகர், குமரி மாவட்ட பொறுப்பாளர் சசி,  மதுரையின் பரமக்குடியாரின் பயமறியா பாசக்காரப்பயலுக தலைவர் கொம்பமுத்துவும் அவருடைய குழுவும், சென்னையின் பாரடைஸ் யூனிட்  சேகர் அவர்களும் கலந்து கொண்டு விழாவை சிறப்பித்தனர்.

கமல் பிறந்த தின நற்பணி ( 58 மரக்கன்றுகள் + உணவு )

உலக நாயகனின் 58 வது பிறந்த தினத்தை முன்னிட்டு, அகில இந்திய கமல்ஹாசன் நற்பணி இயக்க பொறுப்பாளர் தங்கவேலு தலைமையில், ORKUT கமல்ஹாசன் நற்பணி இயக்கம் ( பதிவு எண் 10094) சார்பில், குரோம்பேட்டை பால ஆசிரமம், அதன் குழுமத்தில் உள்ள ஆவடி மற்றும் மடிப்பாக்கம் ஆசிரமத்திலும் நவம்பர் 4, ஞாயிறு அன்று ஆசிரம குழந்தைகளுக்கும், முதியவர்களுக்கும் உணவு வழங்கப்பட்டது.

மேலும் உலக நாயகனின் 58 வது பிறந்த தினத்தை முன்னிட்டு, 58 மரக்கன்றுகள் குரோம்பேட்டையில் தங்கவேலு தலைமையில் நடப்பட்டது.

மரக்கன்றுகள் நடப்பட்டதன் காரணம் என்னவென்றால், வெட்டப்படும் மரங்களுக்கு ஈடாக மரங்கள் வளர்க்கப்படுவதில்லை, மரங்கள் குறைவதால் மழை சரியாக பெய்வதில்லை, மழை பெய்வது பாதிக்கபடுவதால் விவசாயம் பாதிக்கப்படுகிறது, கடைசியில் விலைவாசி உயர்ந்து விடுகிறது.  எனவே மரங்கள் வளர்த்தால் மழை பெய்யும், மழை பெய்தால் விவசாயம் சிறக்கும், விவசாயம் சிறப்பாக நடந்தால் விளைச்சல் அதிகரிக்கும் விலைவாசியும் குறையும்.

இந்த விழா சிறப்பாக நடக்க களத்தில் ஆர்வத்துடன் பணிபுரிந்த, தயாளன் (தென் சென்னை பொருளாளர்), தமீம், ராஜ்குமார், ஓம், சேகர், மாமூத் அவர்கள் அனைவருக்கும் எனது நன்றியை இப்பதிவின் மூலம் தெரிவித்துக் கொள்கிறேன்.
 

- சண்டியர் கரன்