கோச்சடையானும் 6000 காமெடிகளும்

நேற்றே ரஜினி சார்பு ஒந்தியா தளம், கோச்சடையான் 6000 தியேட்டர்களில் ரிலீஸ் செய்யப்படுகிறது என்று கட்டுரை வடிவில் விளம்பரம் செய்திருந்தது. இது வெறும் காமெடி என்பதால், இது சாத்தியமாகாது என்று விளக்கம் கொடுப்பது அவசியமற்றது.

ஆனால் இன்றைய ஹிந்து பேப்பரிலும் இந்த காமெடி செய்தியாக வெளியிடப்பட்டிருந்தது. அதை படிக்கும் போதே இன்று நம் தளத்தில் உண்மை நிலவரத்தை வெளியிட வேண்டும் என்று நினைத்திருந்தேன்.

அது மட்டுமல்ல, ஆபிஸூக்கு வந்தவுடன் உடன் பணி புரியம் நண்பர் ஒருவர் "விஸ்வரூபம் 2" எப்போ ரிலீஸ் என்று கேட்டு விட்டு, கோச்சடையான் 6000 தியேட்டர்களில் ரிலீஸ் செய்றாங்களாமே... மேலும் முதல் மூன்று நாளிலேயே 300 கோடி வசூல் ஆகி விடுமாமே என்றார்.

மீடியாக்களின் சூட்சமம் புரியாமல் இவரை போல எத்தனை அப்பாவிகள் இவர்கள் போடுவதையெல்லாம் நம்பி கொண்டிருப்பார்கள். எனவே உண்மையை வெளிச்சம் போட்டு காட்டுவது எனது கடமை என உடனே இக்கட்டுரையை எழுதுகிறேன்.

படம் ரிலீஸாவது, உலகம் முழுவதும் 6000 தியேட்டர்களாம், இந்தியாவில் மட்டும் 3500 தியேட்டர்களாம். முதலில் இந்தியாவில் மட்டுமாவது நடக்குமா என்று பார்ப்போம்.

இத்தனை தியேட்டர்களில் கண்டிப்பாக ரிலீஸ் ஆகாது, இருந்தாலும் எண்ணிக்கைகளை முடிந்த அளவு அதிகமாகவே போட்டுக் கொள்வோம்.

தமிழ்நாடு - 400 தியேட்டர்கள்
கேரளா  - 100 தியேட்டர்கள்
கர்நாடகா  - 100 தியேட்டர்கள்
ஆந்திரா  - 300 தியேட்டர்கள்
வட இந்தியா  - 200 தியேட்டர்கள் என ரிலீஸ் ஆகிறது என்று வைத்து கொள்வோம்.

அப்படி போட்டுமே 1100 தான் வருகிறது.

நாம் வாரி வழங்கிய எண்ணிக்கையே, அவர்கள் வெளியிட்ட எண்ணிக்கையில் 31% தான் வருகிறது.

படம் ரிலீஸ் செய்யப்படும் போது, உண்மையான தியேட்டர்களின் எண்ணிக்கை இந்தியாவில் மட்டுமே 300 இருந்தாலே ஆச்சர்யம் தான். அப்படி 300 தியேட்டர்கள் என்றால், உண்மை நிலவரம் 8% தான்.

இந்த 300 தியேட்டர்களில் அவர்கள் கூறிய படி 400 இருக்கைகளில் 4 காட்சிகளாக 120 ரூபாய் டிக்கெட்டுகள் அரங்கம் 100% நிறைந்தால் (நடக்குமா?), ஒரு நாளைக்கு ரூ 5 கோடியே 76 லட்சங்கள்  சம்பாதிக்கும்.

மேலும் இந்த படம் தமிழ்நாட்டிலாவது அனைத்து ஊர்களிலும் முதல் காட்சி ஹவுஸ்புல் ஆனால் அதுவே இந்த படத்தின் மாபெரும் சாதனை.

அந்த சாதனையை நிகழ்த்தி FACEBOOK காலத்தின் BLOOD STONE ஆகாமல் இருக்க எனது வாழ்த்துக்கள்.